Dieđut Nationála luossaguovddážis
Luossa lea leamaš eatnamis juo miljovnnaid jagiid, muhto olbmo luossa ja luonddu ávkkástallan lea dahkan ahte ii gávdno šat nu ollu luossa min jogain.
Jus luossa galgá gádnot maid boahtte áiggis de fertejit buohkat dovdat ja beroštit luosas. Nationála luossaguovddáš bargá juohkit dieđu ja ráhkadit engašemeantta.
Luossa lea min oktasaš árbi ja oktasaš ovddasvástádus. Viisudahte iežat min neahttasiidduid bokte.
Dan lassin sáhtát galledit min sihke Lyngdalas, Lærdalas, Namsosas ja Deanus.
Ulbmil - rolla – doaimmat
Vuođđudus lea álbmotávkkálaš vuođđudus stáhta vuođđudusaid lága vuolul gos Biras direktoráhta lea vuođđudeaddjin. Dat vuođđuduvvui almmolaččat juovlamánu 23.b. 2019:s, go dohkkeheapmi Brønnøysundregisteris ja Lotteri- og Stiftelsestilsynet lei válmmaš.
Višuvdna
Nationála luossaguovddáža višuvdna lea: Luossa – oktasaš árbi – oktasaš geatnegasvuohta!
Ii oktage oamas luosa, muhto dat leat min. Dat gártá leat maid min oktasaš geatnegasvuohta. Oktasaš áddejupmi dahje ipmárdus ferte leat vuođđun go galgat čohkket searaid ja váldit vára luosas. Die lea šaldi maid mii galgat hukset. Mii dárbbašat dalle luohttámuša. Ferte gávdnot oktavuohta sániid ja daguid gaskka áiggiid čađa, kommunikašuvdna ferte leat vuoigatlaš, ja ferte leat buohkaide čielggas maid mii ovddastat.
Ulbmilin lea
• gaskkustit dieđu luosa eallimis, hástalusain ja uhkádusain
• leat mielde bisuheamen ja beaktilis luosanáliid ávkkástallama daid eallinguovlluin
• lágidit saji dialogaide, kommunikašuvdnii ja ovttasdoaibmamii doibmiid gaskkal geain leat luossaberoštumit doppe gos luossa eallá
Luossa
mearkkaša dán oktavuođas atlántalaš luossa, guvžá, valas, namsblank ja byglandsbleke.
Rolla galgá leat diehtogaskkusteaddjin doppe gos dutkan ja hálddašeapmi deaivvadit, diehtogáldu, oahppoguovddáš ja kompetánsaovddideaddji ja dialoga ja ovttasdoaibmama arena.
Váldoulbmilin lea lágidit ja gaskkustit relevánta dieđu luosa birra. Gaskkusteapmi ja oahpahus galgá heivehuvvot iešguđetge ulbmiljoavkkuide. Mánát ja nuorat lea erenoamáš dehálaš ulbmiljoavku.
Vuođđudus lea riikaviidosaš gos leat ovttadagat gielddain Lyngdalas, Lærdalas, Namsosas ja Deanus.
Ulbmil
Nano luossanálli mihtiduvvon olbmuid áddejumis dahje ipmárdusas, beroštupmi ja dialoga lea min váldoulbmil. Mii galgá áiggi mielde – guhkesáigásaččat – addit eanet birgejeddjiid luossanáliid.
Dievasmahttin informašuvnna gávnnat min strategiijaplánas.