Ohppiidgirji

Mátki lagas jogažii buktá buriid oahppanvejolašvuođaid. Oahppit sáhttet dáppe hástaluvvot geavahit ollu iešguđetlágan gálggaid, - gulahallama, logalaš ja matemáhtalaš jurddašeami, smiehttama, geavahit goruda, gieđaid ja dovdagiid. Dakkár olgobeaivái berre ráhkkanit jus galgá mannat bures. Mii leat ráhkadat ohppiidgirjjáža mii sáhttá geavahuvvot sihke ovdal ja maŋŋel go lea fitnan lagas jogas. Gihppagis lea maiddái fágasisdoallu luosa ja johkaeallima birra, muhtun bargobihtát ja evttohusat muhtin doaimmaide mat sáhttet heivet iešalddis olgobeaivái.