Váldoáššin lea oahpahusdagus heivehuvvon ohppiide geat leat 5.-7. cehkiin, muhto dan han don sáhtát gii leat oahpaheaddji heivehit iežat ohppiide. Dákko gávnnat don gárvves oahppobálgá man lea álki viežžat – mii lea friija geavahusas!
Mii presenteret luossa eallingearddi informašuvnna gos leat fiinna govat ja artihkkalat. Mii leat maid tematiseren luosa luonddus, gos mii čujuhat dan eallinguovlluide ja mo luossa eallá mánás mánnui.
Luosa ja olbmo vuolde gávnnat ollu miellagiddevaš historjjá mo luossa ja olmmoš leaba eallán ovttas – ja mo dat ellet ovttas odne. Dan lassin geahčadat maid mo luossa birge boahtte áiggis go váldá fuomášupmái dálkkádatrievdamiid ja olbmo geavaheami.
Mii leat ráhkadan reaidovuorkká dutnje gii leat oahpaheaddjin, doppe leat sihke quiz, bargobihtát ja doaimmat. Dat čatnasit oahppoulbmiliidda fágii. Don gávnnat eanet reaidovuorkkás vuolábealde.
Bargobihtát ja doaimmat
Dás gávnnat doaimmaid ja bargobihtáid maid sáhttá geavahit oahpahusas. Muhtun doaimmaid heive bargat siste, muhtumiid fas olgun.
Ohppiidgirji
Mii leat ráhkadat ohppiidgirjjáža mii sáhttá geavahuvvot sihke ovdal ja maŋŋel go lea fitnan lagas jogas. Gihppagis lea maiddái fágasisdoallu luosa ja johkaeallima birra, muhtun bargobihtát ja evttohusat muhtin doaimmaide mat sáhttet heivet iešalddis olgobeaivái.
Quiz
Geahččal dákko maid don dieđát iešguđet luossašlájain ja gos dat gávdnojit
Stuora luossaspeallu
Oza boaluid ja birccu. Son, guhte boahtá vuosttažin ruovttoluotta gođđobáikái, vuoitá!
Luossakaleandar
Dákko gávnnat logahallama luosa doaimmain mat leat ovtta jagis. Čálit olggos kaleandara, lasit riegádanbeivviid ja eará doaimmaid jagi áigge.
Luossa videot
Dákko gávnnat videuid luossa birra, luosa eallingearddi, eallinsajit ja oaggunvuogit
Nationála luossaguovddáš vuođđuduvvui 2019:s Birasdirektoráhta bokte, vai boađášii eanet diehtu luosas. Luossa lea leamaš eatnamis máŋga miljovnna jagi, muhto olbmo luonddu ja luosa geavaheapmi lea dahkan ahte ii leat šat nu ollu luossa min jogain. Dat lea áitojuvvon šládja. Jus luossa galgá ain leat jogain de fertejit buohkat diehtit ja beroštit luosas.
Min bargu lea juohkit dieđu ja beroštumi luosas. Luossa lea min oktasaš árbi ja min oktasaš geatnegasvuohta. Geavat min neahttasiidduid vai oaččut eanet dieđuid.
Dan lassin sáhtát galledit min Lyngdalas, Lærdalas, Namsosas ja Deanus. Mii mielas boahtit din skuvlii maid, dahje don sáhtát váldit mielde iežat ceahki ja galledit min.
Váldde oktavuođa iežat lagamus luossaguovddážiin oažžun dihte eanet dieđuid das maid mii sáhttit fállat:
Gávdnojit ieš guđet luossašlájat, ja juohke ovttas leat sierra erenoamášvuođat. Leat go gullan ovdamearkka dihtii namsblanken birra? Dahje dihtet go ahte guvžá eallá galbma čázis? Dahje ahte guvžá ii fina nu guhkkin go luossa?
