Luossa luonddus
Jogažat, deanut, govda galbma deanut, guoikkat, čiekŋalas vuonat, oanehis vuonat, guhkes vuonat, stuorra mearra! Luossa geargá iežas eallinagis vásihit máŋggalágan luonddubirrasa. Luossa johtá gaskkal sáivačázi ja sáltečázi. Dat sierralágan birrasat fállet iešguđetgelágan biepmuid ja sorpmiid. Dás beasat lohkat eanet luosa birra sierralágan eallinbirrasiin.
Eallinguovlu
Dušše 0,6 % máilmmi guollešlájain johtet gaskkal sáivačázi ja sáltečázi sin eallingearddis. Atlántamearraluossa lea okta dain. Dat riegáda ja eallá deanuin mat golget Davvi-Atlánta áhpái, gávdná biepmu ja stuorru davimus mearraguovlluin. Norggas leat badjel 400 deanu main gávdno atlántalaš luossa. Dat gokčá masá ovtta njealjádasoasi buot deanuin miehtá máilmmi.
Mii sáhttit roavvát juohkit luosa eallinguovllu golmma sierralágan birrasii: detnui, vutnii ja merrii.
Luossa eallima
Govva: Mikko Kytokorpi. Luossa, dápmot ja soavvil Deanujogas.
KATADROMA
Katadroma guolli lea guolli mii riegáda ja gođđá merrii, muhto eallá eanáš áigge eallima sáivačázis. Ággaras lea dakkár guolli.
ANADROMA
Anadroma guolli lea guolli mii riegáda ja gođđá sáivačáhcái, muhto eallá eanáš áigge mearas. Luossa lea dakkár guolli.
Luossa mánus mánnui
