Earuhit luossačivggaid ja dápmotčivggaid
Luossačivggat ja dápmotčivggat leat hui ovttalágánat oaidnit, muhto dain leat erohusat. Dán bihtás oahpat mot earuhat daid.
Gealbomihttomearit 7. ceahki maŋŋá
- čilget mo organismmaid sáhttá rátkit váldojoavkkuide, ja addit ovdamearkkaid iešguđetlágan organismmaid dovddamearkkaid
Dás galget leat sihke luossačivggat ja dápmotčivggat. Ii leat álki earuhit daid. Govven: Tone Løvold
Geahča guliid ja gávnnat mii lea mii.
Luossačivggat ja dápmočivggat leat hui ovttalágánat oaidnit vuosttaš geahčastagas, muhto jus dárkilit geahčat, de dain leat dattetge olu erohusat. Govat das bajábealde govvidit erohusaid. Geahča guliid ja gávnnat mii lea luossa ja mii lea dápmot, geavahettiin dieđuid dás vuolábealde.
Luossačivgga dovdomearkkat:
Vuddjesvitta lea dávjá ránesruoná
Guolis leat 8-12 čielga stábi gilggas
Suovddis leat 1-3 čuoggá
Badjeollolat leat oaneheabbo go dápmohis. Eai mana gitta čalmmi duohkái
Áhkilviddamat leat guhkit. Dat mannet sullii gitta dakko gokko čielgevitta álgá
Go beahcetvitta lea rabas de das lea v-hápmi
Dápmotčivgga dovdomearkkat:
Vuddjesvitta lea dávjá runta
Dávjá leat unnibut go 9 stábi guoli gilggas
Suovddis leat 3-5 smávva čuoggáža
Badjeollolat leat guhkibut go luosas. Dat manná gitta čalmmi duohkái
Áhkilviddamat leat oaneheabbo go luosas. Dat mannet sullii beallemuddui dakko gokko čielgevitta álgá
Go beahcetvitta lea rabas de das lea u-hápmi
Cavgileapmi:
Jus beasat geahčadit ealli luossa- ja dápmočivggaid skálus mas lea čáhci, de álkit earuhat daid. Áhkilviddamiid guhkkodagas oainnát álkit mii lea mii. Luossa lea sivdniduvvon vuodjat garraseabbo rávnnjis go dápmot, ja das leat olu guhkibut áhkilviddamat.
Dihtet go…..
Luossačivggat ja dápmočivggat gohčoduvvojit maiddái parran. Go luossa ja dápmot lea parra, de das leat stábit gilggas. Stábiid gohčodit juogo suorbmamearkan dahje parramearkan.
Stábit kamuflerejit guliid bures golgi čázis.
Oahpaheaddjái
Dáinna bargobihtáin oahppit birgejit ieža. Oahppit lohket ja gehččet govaid. Ávžžut áinnas geavahit linjála ja mihtidit viddamiid ja olloliid. Oaluldákti lea badjeoalul. Oahppit sáhttet čállit galle čuoggá ja stábi oidnet, guoli guhkkodaga jna. Gávnnahit mii lea dápmot ja mii lea luossa. Ságastallet dovdomearkkaid birra luohkás.
Vuolábealde gávnnat bargobihtáid PDF:s.
Bargobihtáiguin lea vuogas vuolggahit ságastallama eallingearddi ja kamufláša birra.
Manin stábit (suorbmamearkkat/parramearkkat) jávket go luossa ja guvžá vuodjá merrii.
Manin lea guolis čuvges čoavji ja sevdnjes čielgi.
Ohppiidgirji
Nationála luossaguovddáš oččoda nannosat luossanáli ja áigu nannet ádjagiid pedagogalaš resursan. Váldet mielde vásáhusaid ceahkkelanjas ja bidjet daid oktavuođaide maid vásihehpet olgun. Máŋga skuvlla lahka lea lagaš ája. Go vel stuorámus gávpogiin gávdnojit ádjagat maid luhtte sáhttá fitnat. Váldet oktavuođa minguin jus dárbbašehpet veahki, rávvagiid ja fágalaš lasáhusa.
Ohppiidgirji “Mat orrot du jogas?” sáhttá lea veahkkin sihke ovdabargui ja loahppabargui.