Gávnna gova ja teavstta mat gullet oktii
Dás beasat geahččaladdat iežat máhtu luosa eallingearddi birra ja eará šlájaid birra mat gávdnojit luosa eallinguovllus. Gávnna govaid ja teavsttaid mat gullet oktii!
Veahkki! Ovdal go barggat bargobihtáid, de lea goansta lohkat čállosiid Luosa eallingeardi ja Luossa luonddus.
Gealbomihttomearit 7. ceahki maŋŋá
čilget mo organismmaid sáhttá rátkit váldojoavkkuide, ja addit ovdamearkkaid iešguđetlágan organismmaid dovddamearkkaid
suokkardit ja válddahit iešguđetlágan biebmofierpmádagaid ja geavahit dáid digaštallat ovttasdoaibmama luonddus
Luosas leat eallima čađa máŋga iešguđetlágán nama.
Bargobihttá
Dán bargobihtás galggat gávdnat guđe govvakoarta heive guđe teakstakortii!
Ná dahkabehtet:
Buohkat klássas ožžot koartta oahpaheaddjis, juogo govva- dahje teakstakoartta.
Geahččal gávdnat rivttes govvakoartta teakstakortii! Oahpaheaddji čilge mot galgabehtet dahkat.
Lihkku bargguin!
Makkár ealli dá lea?
Áinnas vuodjá čázevuolde
Njeaidá muoraid ja hukse buođuid
Suhkkes liegga guolga
Oahpaheaddjái
Bargobihtás leat muhtun doahpagat luosa iešguđetlágán eallingerddiid birra. Danin heive bargobihttá čoahkkáigeassun maŋŋel go lehpet bargan luosa eallingerddiin. Eará eallit, mat leat mielde, árvideamis leat oahpes eallit.
Koarttaid sáhttá geavahit máŋgga ládje. Sáhtát juohkit ovtta koartta guđege oahppái, ja sii sáhttet fárrolaga gávdnat rivttes gova rivttes tekstii. Jus čálihat máŋga seahta, de sáhttet oahppit bargat joavkkus ja gilvalit guhte geargá ovddimus.
Jus lamineret koarttaid, de sáhtát ráhkadit koarttaid main lea govva ovtta bealde, ja dieđut eará ealli birra nuppe bealde. De sáhttet guovttes ja guovttes leat joavkkus, ja olles klássa sáhttá bargat ovttas.
Koarttaid čálihat vealu formáhtas fiillas mii lea mielddusin. Berret čálihit ivnniiguin.
Fiillas leat eallit biddjon čuovvovaš ortnetvurrui:
Johkaguiski (dipmaealli) Golmmasákkat bišáhke Luossameađđen Meađđenseahkkaveajet Luossaveajet dahje luossačivga Smolta Luossa Gođđoluossa (luossa mas lea gođđočuopma) Gođđoveajet dahje «sneaky fuckers» dahje suollemasgođđit Rávdu Dápmot (dá lea guvžá) Bodnedivrrit (divrrážiid oktasašnamahus mat ellet botnis). Dás leat bidjat gierddu máđu ja divremáđu birra Ággaras Čeavrris Geađgenjuorju (njuorjošládja) Dorski Luossadihkki Eanet hástalusaid? Gávnnat eambbo daid iešguđetge šlájaid birra, ja ráhkat biepmusráiddu dahje biepmusfierpmádaga. Lihkku bargguin!
Ohppiidgirji
Nationála luossaguovddáš oččoda nannosat luossanáli ja áigu nannet ádjagiid pedagogalaš resursan. Váldet mielde vásáhusaid ceahkkelanjas ja bidjet daid oktavuođaide maid vásihehpet olgun. Máŋga skuvlla lahka lea lagaš ája. Go vel stuorámus gávpogiin gávdnojit ádjagat maid luhtte sáhttá fitnat. Váldet oktavuođa minguin jus dárbbašehpet veahki, rávvagiid ja fágalaš lasáhusa.
Ohppiidgirji “Mat orrot du jogas?” sáhttá lea veahkkin sihke ovdabargui ja loahppabargui.