Suorbmaveajet ( Parr) — Nationála Luossaguovddáš

Go veajet šaddá jagi boarisin, de gohčodat mii dan suorbmaveajehin. Suorbmaveajehis leat čielga sárgát gilggas. Sárgát doibmet kamuflášan golgi čázis. Suorbmaveajet orru deanus gaskkal 1 - 4 jagi. Dán áigodagas bivdá dat biepmu ja ohcá buriid čiehkádanbáikkiid. Suorbmaveajet liiko okto vádjolit.

Luossaveajehat mat leat gaskkal 1-4 jagi boaris gohčodit mii suorbmaveajehin. Luossasuorbmaveajehis leat gaskkal 8-12 sárgá gilggas. Dát gohčoduvvojit suorbmamearkan danin go orru leamen ahte gii nu lea dollen čavgadit veajetgoruha birra. Sárgát gohčoduvvojit maid suorbmamearkan. Suorbmaveajet lea čeahppi vuodjat ja dat loaktá buoremusat golgi čázis. Danin leat suorbmaveajehis guhkes ja gievrras áhkilveavssit. Suorbmamearkkat addet buori kamufláša golgi čázis. Suorbmaveajehat liikojit buoremusat leat sierra, ja sii gilvalit eará suorbmaveajehiin borramuša ja čiehkádanbáikkiid alde. Suorbmaveajet gávdná borramuša/biepmu deanus birra jagi. Nu guhká go čáhcetemperatuvrra deanus ii leat lieggasat go 24 gráda ja galbmasat go 6 gráda, de suorbmaveajet stuorru. Veajet ii stuoro nu jođánit. Sáhttá mannat 4 jagi ovdal go suorbmaveajet lea peannain seamma guhkki. Muhtin báikkiin gal sáhttá mannat jođáneabbot.

Nu guhká go suorbmaveajehis leat sárgát, de gohčodat mii dan suorbmaveajehin. Go sárgát jávket, de lea mearka ahte lea gárvvis johttát deanus merrii.

Loga smolta