Cuoŋománnu
Govva: Arnt Mollan
Dál dat álgá dat guhkes mátki
Dál de justa ovdalaš! Párra lea šaddan smoltan ja lea máŋga jogas luoitimin vulos johkaráigge ja lahkonišgoahtá sálte meara. Juohke čuođis leat dábálaččat dušše 2-5 dain mat nagodit hehttehusaid čađa joavdat mearas ja boahtit ruovttoluotta rávis luossan. Lea daid vuosttamuš vahkuin siste ahte eatnašat eai birge go jovdet merrii. Joga njálmmis čohkiidit smávva sparruide, ja de mannet. Mii leat oaidnán ahte smolta millosabbot johtá lahka botni ja doppe gos lea garrasamos rávdnji. Dat lea várra buorre, go dat dagaha váttisin sihke stuorát guliide ja lottiide borrat daid. Luossaveajehat mannet oalle jođánit meara guvlui ja gohčoduvvojit postsmoltan dalán go jovdet merrii. Postsmolta deaivá máŋga sorpmi mátki alde go manná áhpái. Okta daid stuorámus várran lea - luossadihkki.
Luossadihkki lea unna gazzadivrráš mii eallá oassin eallimis borrat vara ja njivlli luossaguliin dego luosas, guvžžás vallasis. Eallit mat ellet nuppiid elliid alde leat parasihtat. Luossadihkki lea lunddolaš parasihtta luossaguliid alde. Luossa gierdá luossadihki, nu guhkká go eai leat menddo ollu. Rávis luossa gierdá eanet go muhtun unna postsmolta mii sáhttá hedjonit nu sakka ahte dat jápmá jus dasa darvánit vihtta dihki. Luossašaddadanrusttegiin riddoguovlluin leat viehka máŋga luosa birra jagi. Šaddoluosaid alde leat ollu luossadihkit. Luossašaddadanrusttegiin sáhttá luossadihkki laskat hirbmat johtilit ja eahpelunddolaš stuorra mearri njoammu luossadihkit besset olggos. Luossašaddadeaddjit bargat garrasit amas leat nu ollu šattolaš dihkit giđđat rusttegiin go uhkiduvvon luossasmolta johtá meaddel. Biddjojuvvo ollu nákca dasa, muhto ii leat álo nu bures lihkkostuvvon. Máŋga sajis čuozahuvvojit garrasit villa anadroma luossaguolit.
Guvžá ja valas eai goassege mana nu guhkás go luossa ja dat vudjet gáddeguorain rittus. Daidda njoammu luossadihkki álkibut go lussii.