Njukčamánnu
Govva: Arnt Mollan
Čáhcetemperatuvrrat mearridit
Njukčamánus lea luossameađđenčivggaide šaddan čalmmit. Lea luossačivgačalmmiid maid sáhttá oaidnit meađđenčalmme siste. Dan mii gohčodat čalbmemeađđemin. Man johtilat diet unna heakkas ahtanuššá dan rájes go meađđen sahkkehuvvo ja luitojuvvo čivrii čakčat ja go dat giđđat fas čivgá, mearriduvvo temperatuvrras mii lea jogas. Ahtanuššan dáhpáhuvvá njoazibut galbmačázis go lieggačázis. Čivgan dáhpáhuvvá johtilabbo mátta jogain go davvi jogain. Muhto leat gal spiehkastagat maid – oarjejogaide golgá galbmačáhci jihkiin ja leat galbmasat, ja doppe dáhpáhuvvá ahtanuššan njoazebut. Muhto muhtun ášši lea duohta, ahte luondu lea lágidan dan láhkai ahte čivga čivgá áiddo dalle go dasa lea buoremus áigi. Lea oainnat nu ahte bodneelliid šaddan ja eallingeardi lea borramuššan luossačivggaide álgoáiggis, lea gitta das maid makkár temperatuvra lea johkačázis. Nu ahte go meađđenseahkkačivga lea gurren iežas niestelávkka, de lea joga bodneelliid lohku stuorámus muttus.