Golggotmánnu
Govva: Arnt Mollan
Olles doaibma gođđosajiin
Golggotmánus, ovdal go johka čatná, gođđá luossa máŋga jogas. Ferte dás lasihit ahte dat gođđá maŋŋelabbos mátta liegga dálvejogain. Beroškeahttá áiggis – go gođđu álgá de leat luosat albma láhkai ožžon ivnni erenoamážit goadjima gođđoivdni lea ivdnái ja čába. Goadjimat váldet ivnni ja energiija guollecuohpas – čuopma šaddá rukseslágan ja gáibái šaddá albma roahkki. Roahkki heive bures go doarru, ja sihke ivdni ja roahkki galgá duovveguliid geasuhit. Duovit eat šatta nu ivdnái go goadjimat, muhto dat šaddet eanet ruškes ivdnái. Muhto dain manná eanet nákca šaddadit rukses oránša meađđenčalmmiid – sullii 1400 meađđenčalmmi juohke guollekilo nammii. Gođđan lea luosa váldoulbmil – ovddos doalvut iežas genaid boahttevaš buolvvaide.
Meađđen luitojuvvo gođđorokkiide maid duovveguolli roggá. Dat geavaha beahceha ja mihtida čoallegeašvevssiin čikŋodaga. Gievrrasamos goadjin lea dalán dies sahkkeheamen meađđemiid maid duovvi luoitila maid duovvi fas johtilit govččasta čievrrain suodjegeardin. Gođđosajis lea dávgjá muhtun skealbma luosat mat maid áigot gođđat (sneakers leat eaŋgalasgillii). Diet smávva luosat leat juo gođđanagis muhto eai leat vel fitnan mearas guohtunmátkkis. Dat njáhkalit ovdii ja leat mielde sahkkeheamen meađđemiid. Meađđen báhcá orrut čievrra vuolai ahtanuššat olles galbma dálvvi.
Guokte báikki Norggas – Badje-Namsen Trøndelágas ja Otračázádat Agderis – doppe ellet guokte erenoamáš luossašlája. Dan guokte šlája ovttasta dat ahte dat eai mana merrii guohtut. Sihke duovvi ja goadjin stuorraba gođđoahkái sáivačázis.
Govva: Namsblank
Dat leat sierra eallán maŋŋá go eana lea loktanan ja sirren daid mannamis merrii guohtut sullii 10 000 jagi dassái, ja gohčodit relikt luossan. Namsblanka Badje-Namsenis eallá olles eallingearddi buhtes golgi johkačázis. Byglandsbleka geavaha Byglandsvuona šaddanguovlun. Gođđanáigi namsblankii deaivida seamma áigge go lea johkaluosaid gođđoáigi mat bohtet mearas vuollelis čázádahkii. Byglandsbleka gođđá easkka juovlamánus.